年結

轉眼間就到2017年年底, 今年股市暢旺, 基本只要你唔係亂買都有錢賺. 

今年我的改變是下半年從短期的投機老散, 開始去學習收集並耐心地持有良好表現的股票, 現在持有2, 823, 和405, 除了帳面有升幅, 也收到了股息, 看起來還算不錯. 今個月沒有買入任何股票, 但若有大跌會選擇買入增長比較快的公司, 例如騰訊, 補足一下組合進攻力度比較低的缺點.

明年策略暫時不變, 在這預祝網友們新一年繼續賺賺賺, 家庭愉快, 身體健康 : )

第一次收取債劵利息

當初想學人買債, 但又唔夠錢做PI, 銀行既債劵銀碼又太大, 入場費最少要100000美金, 評分好少少既200000美金, 不太適合我呢種債劵新手. 於是走左去開個IB戶口, 貪佢有銀碼細D的債劵買賣(最低2000美金), 最緊要有得試下.

一開始其實非常不習慣, 因為它沒有香港的債劵, 等於我要在一堆不熟識的美國公司債劵作出選擇, 原本想用桿杆的想法一下子就消失了, 決定先穩打穩紮的學習基本流程. 把港元換成美金, 然後用搜索找出目標, 評分BA3或以上, 年期為3年內, 息率5-7%, 半年派息, 價格在100附近. 最後用2000美金在價格100買入了GNW的一條短債, 利息6.515, 2018年5月到期. 你問有沒有更好的deal? 當然是有, 但只是2000美金, 唔想花太多精神了.

等左半年, 今日終於第一次收取利息, 65美金左右, 有種學習有了成果的感覺. 前陣子見唔少blogger話有債劵的價格急跌, 呢隻雖然無跌不過評級就跌到B2, 價格由106-96都試過,  希望維持到100票面價, 出年5月再收多一次息功成身退.

無題

上個月月尾又係驚風高浪急, 選擇左入中電@79.5. 最近熱炒的IPO閱文雷蛇之類都無抽, 因為真係對它們沒有認識. 同事們就談論得興高彩烈, 識唔識唔緊要最緊要有賺錢, 都落場抽一抽, 據知冇人抽到閱文, 雷蛇倒是不少人抽中, 即場戥一下別人高興. 也提醒自己留心股市是否開始過熱了.

不足

九月尾恆指突瀉了幾百點, 最熱門的炒股 恆大, 吉利, 手機雙寶舜宇瑞聲等都累跌超過5%或以上. 我一向月尾入貨, 也順利買入一些便宜了不少的越秀.  正高興於手持的股票並沒有大幅下跌, 才一個星期, 恆指已收復失地, 甚至於昨天大幅升了500點, 而我手上的持股升幅卻遠遠不及上列的股票或同期恆指升幅. 

儘管打破了怕升而不行動的心魔, 不再去估計未來升跌等一個未知的market timing, 保持著每月買入的行動去參與市場. 但計劃還是有很多改善的空間.

1) 每月用一定數量金額買入股票, 因股票價格不同所以買入的股票數量每月也會不同. 一來是避免一次過投入太多資金. 二來是希望用平均成本法拉降低買入價格.

2) 增加組合成員的類型. 由於現時組合全是保守後防型, 導致防守有餘攻力為0, 會增加進攻型成員, 建立進可攻退可守的模式.


現時組合:
405, 823

沒有特別

八月並沒有特別, 繼續買入少量收息股.

九月開始工作會比較忙, 還有新人入職要帶, 希望到年底能輕鬆點. 

繼續儲貨

恆指升到27000, 其實都無咩平貨, 騰訊都300了. 不過等待大平賣也是有成本的, 萬一繼續升又無貨係手真係一殼眼淚.

我不去估市, 一邊每個月入一點股票, 一邊有筆收住ML息的熊市備用現金, 慢慢用自己的步調去建立收息系統.

原本諗住繼續在3.3附近買1270, 因冠君打算出售朗豪坊辦公大樓而大升, 改為買入823 @61.05,

持有: 405, 1270, 823

驚嚇

今日如常到各大小博客看看更新, 突然在魔術師的博客見到自己個博名, 不看不緊要, 一看嚇一跳, 原來我在風兄博中的留言用字有所不妥被點出來了.

了解後立即就到風兄博客把留言刪除, 自己水平不夠被人笑事小, 引起誤會或冒犯到別人才是我不願意見到的.

你是怎樣的人網友們只能從你的文字去猜想, 是次事件令我反省到網上也一樣要謹言慎行.

短炒

瑞聲(2018)主力是蘋果的供應商, 隨蘋果一路颷紅也搖身一變成紅底股股票,  上個5月中被葛咸城狙擊, 股價跌去近2成, 同月18號停牌待澄清報告出爐, 停牌前收報$82.6, 52週最高收$116.5.

瑞聲6/6 發出澄清公告後, 終於在昨天7/6復牌, 加上公司投入近1億回購, 股價大幅高開, 昨收報$92.55.

藍籌股都有得狙擊, 問你驚未.

由於對此股沒有很深認識, 但空穴來風未必無因, 自己選擇投機短炒, 挾藍籌餘威92入96放左.

收息股繼續持有:
405, 1270

買唔落手

昨天打算再買一條公司債劵, 在IB裡SCAN, 條件 maturity date 2018-2020, coupon rate 4+, yield 5-10, exclude callable, 出左40左右items, 但全部都好貴, 減埋債價得返2% interest 左右, 做槓桿無肉食添. 買唔落手.

繼續買入

用IB初次買入本地REITS和少量美國公司債(先用港現轉美金再買), 全部無用槓桿, 打算熟習平台後再考慮.

又到五窮六絕的時候, 大家坐穩.

Starman新書: 現金流為王

我一直有跟開的名人Blogger--Starman出書了, 書名叫現金流為王, 20/4開始在各大書局有售.  我也在21號購入了, 現在每天一點慢慢看中.

新特首出爐

林鄭毫無懸念以777票當選香港新一位及第一位女特首.  我當時飲緊茶, 突然聽到旁邊幾枱客人拍爛手掌, 原來林鄭點票已過600, 確定當選.

下午不少平時完全不關心政治的朋友在朋友圈和臉書分享什麼香港已死, 7出香港之類既圖片.

其實香港真係差成咁咩? 真係去到一個人就決定你我生死, 非革命不能救既狀態嗎? 我不才, 呢個假定就同廢青/港女一詞般, 是有人人為地抺黑香港新一代.

我覺得香港仍是適合居住和拚搏的.

新增成員

再次發揮燈神本色, 3399放晒就係咁升XD.  算啦當同以前炒賣既自己SAY個BYE.

除左一隻REIT, 今日再新增一隻收息股.

急升

上年尾開始月供買入既REIT最近升左一成有突, 雖然都知佢會升返, 但升得咁急有些出乎意料. 有少少OVER左我對佢既合理價, 決定下個月先停一停, 等風頭過去再增持.

年尾

粵運因可能發行A股, 最高衝上4.43, 我都順勢將貨尾沽出.

手頭上只剩REIT, 月月定額購入, 由11月到這一刻計帳面是平手.

下一年仍然審慎地理財, 目標回報是5% 和建立收息系統.

新特首

CY收到指示不再競逐連任, 新特首跑馬仔又開始.

邊個係阿爺心水其實不用盲估, 睇睇泛民社民之類針對邊個就一清二楚, 因為對689的仇恨要過渡到新特首先可以繼續搵食架咩.  你估呢D派別真係無人脈係中央咩? 之前一開波輿論主要針對胡鬚曾, 又起花名又畫漫畫, 不過睇阿爺拖住曾司長辭職, 九秒九轉風向針對林鄭, 重點建立一些眾人皆認同既嘲點, 例如故宮分館事件. 等林鄭一上台, 全民有共識的預設負面印象, 再踩多兩腳就話都無咁易.

鑑於近期林鄭成民主派別重點防爆對象, 我睇好林鄭做新特首, 為什麼? 胡官有無人提/唱衰?大家當佢陪跑, 胡鬚曾似乎得不到中央足夠的認可, 掃把頭23條立法已成一生黑點, 無人花時間再搞佢, 至於成成...有參選咩?