日常

很少更新了，將來應該會更少更新。純粹記一下。

大環境唔係咁好，有幸上年升職無受影響，但身邊職場處境真是天與地，有專業人士繼續薪高糧準無憂，也有少部份朋友開工不足同待業中。以前年輕時我無見過朋友同學搵唔到野做，人到中年翻身機會唔多，年輕的朋友若無父幹我建議還是盡快開始學習理財和人生規劃，不要把錢只花在消費上。

持股只剩823.

823升返好多，但鑑於只於77減持了三分一，跌再多也沒有溝淡過，現在還是蟹貨。

405都唔記得幾錢放，蝕住(好多)換馬去美團，幸好美團升超多，260左右放晒，總算成功補血。

暫不再買股票了，打算換樓要揸返多D現金。

近況

上年年尾升左職忙左，家中有成員因健康問題要照顧，加上此BLOG沒有什麼有啟發的內容可分享，所以懶下懶下不更新一個月, 兩個月, 半年直到現在。最近工作上新職務已熟習，家中事情也告一段落，終於有時間又再寫下。

股市最低跌穿22000，可幸沒有使用槓桿，賬面上最差時損失了接近6位數字。股票只佔我資產很小部分所以未至於瞓唔著，但有一事極需反省，自己主要持股一直是405同823，當初1052因新冠肺炎預期未來業績會受到甚大影響而股價大插，我卻因為看405股價沒有跟隨跌，大安主義以為佢會獨善其身，沒有在跌市初期沽出，結果可想而知受到了多大教訓，後期因為跌太多太急所以放棄沽出，823倒是在反彈至77蚊時減了三分一，伺機再買回。

股市點都會上番，也會繼續買股票，今次疫情令某些行業/服務加速發展，以往穩陣食息既股票是不是仍是最好選擇，我有懷疑。觀察幾隻新股票中。

不過無論股災輸贏，最重要疫情之下大家平平安安，少聚集勤洗手戴口罩，忍耐一下不要外遊，幫助自己幫助其他人，有健康的身體財富才更有意義。

記錄

持股有2, 405同823, 不過今年中電派左第一季息後我就思考換馬.  原因是它作為一隻公用股是穩賺的但短時間升咁快就有d overpriced左, 諗住等再見95時換去比較有機會繼續升既股票, 等左一排都無見返95, 剛好823那時有回返些少, 就用91.X換左過去.

昨天見到中電因公布對澳洲零售業務的商譽進行減值, 導致股價受挫跌左4%.  我覺得係搵個藉口回一回, 去返合理d個價, 對派息實際影響不大. 不過我就唔會入返, 因為貿易戰好返少少, 其他股票的潛在升幅大好多, 係搏都搏其他.

機會又黎?

以為貿易仗傾掂, TRUMP TRUMP突然反口又話要對華貨物徵收25%稅, 從貿易戰陰霾中走出來的香港股市瞬間被打沈, 一個星期跌左過千點. 結果星期五都未傾好, 最終恆指收28550.

跌市會帶來入貨或者短炒機會, 所以我反而很開心, 呢幾日都留意自己喜歡的股票. 今次還是傾向短炒, 長揸的股票未跌到目標價, 今次的談判也不知道持續多久, 所以考慮再等等. 短炒的話選擇對貿易戰消息敏感的二線股(大多數是國內公司), 因為一有好消息就會快速反彈.

近況

一排沒有更新，因為公私都很忙，不過反正個Blog都係用黎記錄沒什麼所謂啦。

上年年尾入左2382同598短炒，估唔到升幅唔錯，既然短炒目標達到，無謂貪心賺變蝕時又呃自己係打算長揸，各於90蚊和3.3放左。我唔識估值，不過一直有觀察開幾隻股票，價格高低心裡都有d數。而呢d數係股災時係無用或者可以招致頗大既損失，所以千萬別亂抄。

近況方面，無現金支付都流行左一段時間，但我無用開淘寶等等, 係呢方面真係out到冇朋友。最近終於的起心肝約埋朋友上大陸，試下網紅食肆之餘, 順便測試下使用Wechat Pay香港錢包在內地支付是否可行。咦，又真係得喎! 我冇大陸電話也沒有大陸銀行戶口都用到，不過要記得買張數據卡上網，大陸商場同食肆d wifi 好渣，上唔到網個錢包有幾多錢都冇用。預先係香港便利店入定錢或者link香港銀行戶口都ok，埋單時會自動兌港元過數，以後唔駛唱定錢返大陸又唔駛怕再收到梅菜咁既1元五毫紙幣。內地好多野都越來越方便，係大陸置業是否可行? 下一步都係開返個大陸戶口同大陸電話。

係咪時候買入?

騰訊跌到260, 1個月前有冇人估到? 應該無掛.

中美7月正式開始貿易戰後, 香港股市中資股日日跌, 今日傳中國減少稀土出口, 瑞聲舜宇呢兩個手機孖寶跌到令人慘不忍睹. 其實中國同美國兩個大國繼續鬥落去對雙方都無好處, 中國實力今時唔同往日, 貿易戰是傷敵八百自損一千的下招, 希望TRUMP TRUMP快D醒悟, 唔好再以為美國仲係出下口術就搲到著數的年代.

作為蟻民既我無可能知道貿易戰幾時會完, 但不少之前心水既股票已累積了相當大的跌幅, 會開始買入.

跌市

市場中人講左咁耐股市會跌, 終於跌市真係黎啦.

呢幾日過往一年的股王700, 2382, 2018, 175等相繼倒下, 跌市的恐怖在於一瞬間就能把股民套牢, 即是你聞到燶味都趕唔切逃生. 例如舜宇一日跌20%以上, 近半年入既邊個走得切.  唔會話升唔返既, 不過就唔知幾時.

呢幾個月因為睇返自己之前寫的文章, 一直說服唔到覺得300已經貴既自己去撈回軟至360既騰訊, 心水既股票又沒有特別跳水平賣, 如是者從買入平安後就暫停了買賣, 現在回看剛好少做少錯.  市場是不是便宜我覺還不算是, 如果手頭已有貨而且入貨價有充足既安全邊際的話, 我會選擇不減持而且等待一下有沒有便宜的好貨可買. 如果是三線炒股的話, 我會選擇減持, 因為在熊市它的價格只會每天更低而且翻身無力.