2016 回顧

話咁快又到年尾, 等我回顧返今年投資上既行動同成績先. 因為我投資只有股票同樓, 所以非常一目了然

股票 - 上半年賣出了大部分倉底貨, 於11月入了小量REIT. 現手持少量3399(下一次再賣就清晒)及少量REIT(現價蝕3%左右), 受到賣出3399所累, 今年帳面是蝕, 希望即將換入的股票能在來年提供佳績.

出租樓 - 11月轉按, 現為H+1.5%

目前資產:
樓 (80%)
股票(6%)
現金(14%)

因為進行緊買入現金流資產的計劃, 股息在來年才能收到, 期待金錢為我工作.

機會又黎

美國宣布12月加息1/4厘. 呢樣野已經係人都知.

最緊要來年會唔會加息, 加又加幾多次. 我唔係先知點知姐, 不過REIT, 地產股等對息口感敏等股票肯定短期受壓, 大家不妨睇睇派息比例有無衝到心中目標才作投資. 我個人會以7%為最低指標,

今天股市跌左400幾點, 我開始把3399賣出增持現金以便掃貨.

轉按成功

今個月終於搞掂轉按H+1.5%, 1%回贈仲有額外的朋友介紹回贈, 計埋慳左頭一年利息, 供款少左而且按到返少少錢出黎. 會先將筆錢放入Mortgage Link再定期買入REIT.

呢D錢借貸利率只是H+1.5%, 大約1.8-1.9%, 真係稅貸都無咁抵. 再用黎買返收6-7%息既股票賺息差.  因為本金係自己努力賺返黎, 寧願穩穩陣陣賺少d, 有餘比多d錢母親大人花費,  都唔想炒股轟轟烈烈蝕左佢,

呢個方法會持續實踐, 並密切觀察經濟環境的變化.

開始行動

開始有紀律的買入REIT,

沒有額外的待熊基金, 因為仲有一隻倉底貨3399, 如何REIT跌得多會賣咁D 3399作月供外的增持.

講開政治

作為一個為生活兩餐奔波的小香港人, 其實唔係咁想講政治. 但眼見最近不停蔓延的政治風波, 見到更多的學生們參與到政治的活動, 我希望在此表達返一D想法.

香港早年割讓比英國, 就像生父母(中國)當初沒能力要把孩子細細個送給別人養, 後來有能力了, 同養父母英國傾好條件用<50年不變>把孩子要回來, 可回來後孩子覺得生父母並沒有遵守當初的約定, 才20年就以強迫他為迎合新家改變了很多, 所以拚命反抗要求自己可以決定自己所有事, 甚至偷偷跑至前養父母(英國)和村口警察叔叔(美國)尋求援助, 除了暫時為了不被改變, 還有希望50年期滿後脫離生父母而自行選擇跟著誰生活的最終目的. 無錯, 如果唔係諗著要改變結局(脫離), 無人得閒搞咁多野出黎. 本土派可以繼續玩文字遊戲, 但正常人心水清得很, no offense.

另一方面覺得越來越多年輕人參與政治運動的原因在於一來他們沒有家庭負擔, 二來他們是現有政策下的利益損失者. 當年大陸開放沒有香港人反對, 大家都趕往內地開工廠, 包二奶, 享受著便宜的成本, 人上人的服務. 但後來80年代的高速發展加上人民幣升值, 這個資源掠取的主客互調了, 內地人來香港買便宜貨, 做人上人, 還有政策的開放, 讓一大批內地人來港生子, 爭奪教育房屋的福利. 80/90後年紀的年輕人剛剛好要開始面對這些資源競爭的全面衝擊, 小的爭分娩床位, 爭奶粉, 大的爭幼稚園/小學/中學/大學, 爭工作機會, 爭買樓.

難怪他們對內地同胞都帶有一股莫名的恨意. 在那些青年心目中, 內地人都是強盜, 他們所不能接受的是內地人突然和他們平起平坐了. 本土派真正的訴求在我看來只不過是要堅持香港和中國是不同的. 他們從心底就抗拒與中國成為一家人, 所以君不見所有能和中國區分的東西他們都會特別強烈的強調, 例如香港, 粵語, 言論自由, 選舉, 司法制度.

我不知道拒絕融合可帶來什麼, 只知道混亂的環境孕育不出良好的經濟.

(以上純粹個人意見)

準備買入

之前以為選舉完, 股市會因特朗普當選而下跌, 點知跌完900點第二日即回升400, 諗住放棄唔入啦, 第三日跌返300, 今日一開市又跌300, 跌突! 如果回升400時就驚跌完唔理三七二十一衝去買, 咁真係即刻坐艇.

在股海多年, 學會了財不入急門, 今次買唔到咪下次囉. Buy at right time or buy at right price 從來都是個人選擇.

重新留意想買入的股票.

特朗普當選

老實講TRUMP當選都唔算黑天鵝. 美國人成日都講CHANGE, 當然要試下新野.

股市反而會因為塵埃落定穩定返. 昨天把現金轉去股票戶口, 諗住今日仲有恐慌就入市.

點知一開市升400點, 吹脹.

人生隨想

最近有2位長輩離去, 一時牽扯起人生到底為什麼的思考.

兩位長輩, 一位是我親戚. 居於內地本業務農. 適逢內地經濟起飛成功轉型做建築公司, 是他那輩親戚中最成功及最受人尊重的, 可惜是兒女都不成才未能把他的事業承繼下來. 另一位是舊居的鄰居, 人很有文化, 對我家很照顧. 不同於屋邨師奶們的八卦和粗鄙, 她一家都有種書香門第的氣質, 兒女讀書都很好, 我曾經羨慕過生在那樣的家庭真好. 兩位都是令人尊敬的人, 聽到他們離開的消息, 有點悲傷, 一來是他們年齡只是65左右, 二來是想起久遠相處時的點滴回憶.

但時間一久, 除了懷念, 還剩下了什麼? 親人/兒女/朋友/同事還是繼續過日子, 每刻都有新的生命來到世上, 世界沒有因為少了一個人而停止運轉.  無論你覺得自己多重要或其他人覺得你多重要.

我才驚覺人的一生最需要為自己負責, 太在乎其他人的眼光而活得抑壓或放棄自己的理想, 而那些人他媽的會懷念你嗎? 甚至都不知道你是誰. 人生說長不短, 今天起努力做自己想做的事, 不要拖, 希望將來老去離開的一刻我不後悔活過.

加息陰影

近排港股升得頗利害, 美國9月議息會唔會黎個反轉, 你估我唔加就偏偏加.  避一避險, 把受加息影響較大而且也在高位的REIT減持, 全數沽出778@10.1.  靜候再入.

持股:
3399

沽出建行

把最後的建行@5.75賣出了. 打了個和. 我燈燈地, 賣完就會再升, 大家唔好亂跟.

經過今次後想好好重組一下自己的投資策略.  房產+REIT+股票, 債劵在學習中.

另樓1方面安排緊轉按, H+1.5%有ML, 減少D利息先.


持股

3399
778

買入REITs

英國脫歐後加息的聲音細左, 加息遙遙無期對所有債仔都有好處. 債劵價格繼續被高追, 之前留言問過STARMAN, 發覺買直債門檻已高左好多. 咁我唯有暫時疊埋心水存下錢先啦.

今天買入778@9.77, REITs d人成日話貴, 但全球不停印銀紙的情況下, 資產只會越來越值錢, 買樓收租等增值邊個唔識, 香港政府因此出了多種辣招, 買樓的回報已經得返2-3%, 我早前買落層收租都係得4%.  所以不如買REIT仲好. 內房REIT唔敢沾手, 領展銀碼又大左D, 最後選擇了置富(778)

778 香港現有17個私人住宅屋苑零售物業, 出租率達96%. 2016上半年收益979.1萬, 按年增長6.1%, 股息也按6%增長至24.78港仙. 分派收益率為5.4% (以6月30日收市價9.25計算)

咁以現在唔加息, 繼續印銀紙(日本已出聲), REIT應該仲有可為.


持貨:

3399
778
939

(偽)財務課程

話說在網上出名的財經分享BLOGGER有不少都會搞返D財務分享課程比D網友, 美其名開心SHARE,  幫你上岸, 收費由幾百蚊到幾千蚊都有. 無錢又想發達既你總會掙扎"其實係咪真有用?" "值唔值得比咁多錢去上堂呢?"

年少無知時我都有去聽過一次免費買樓Talk, 邊個搞就唔開名, 總之一個月都有幾次呢d talk. 課室是一個meeting room,  容納到40-50人, 不包講者工作人員, 其中有10個左右的出席者是互相認識, 開始後幾個blog主輪流講下自己咸魚翻身d威水史, 由無錢到有錢之類. 好啦, 開心share完, 演講者就開始叫大家比錢去上佢地d進階班, 收費幾千蚊 , early bird平幾百. 講比D明白人聽, 明就明, 唔明就唔明, 有錢齊齊搵.

我當刻都有D衝動想報名, 發達喎邊個唔想, 但銀碼對當時既我還是有點大, 當想了解多d進階班既資料時, 他們就表示是更多的note, 但買樓要知道既資料網上能找到一大堆, 連手續程序全部都寫得好詳細, 他們進階班的notes還能教會我什麼? 他們說會有睇樓團, 有分享會, 但睇樓我一向都有睇看, 唔明一堆人去睇樓仲要返黎報告既意義.

最後我意會到這個所謂課程費用, 最主要的目的是用來買一個networking---他們相熟的經紀找到既荀盤, 他們認識的法律從業員的一點免費諮詢, 可能仲可以一班人集資投資買樓買工廈齊齊搵錢. 我開始衡量這個networking對我的幫助值不值得付出幾千蚊的金錢. 最後我無參加呢個course, 因為他們找到的荀盤我不夠首期買, 要集資也遠不夠金錢. 所謂既好處對我一d用都無.

當然我唔參加唔代表個course無用, 坐我旁邊的少婦聽完說即刻參加課程了, 還和我說她就是blogger說的蠢人, 賣左自住樓租樓到宜家. (所以在哪裡跌倒要在哪裡爬起身, 誓要再買樓致富嗎?)  如果當日有10個人報名, 唔知呢10個人會唔會有人發左達, 但blogger們袋袋平安了幾萬蚊, 一個月幾次, 相信都搵到10萬以上, 一年下來都夠做多個單位既首期, 又多d吹水既資本.

財經課程太多混水摸魚之輩, 他們會講好多發達的例子比你聽, 但把最重要的成功之道藏得很深.  作為財商bb班既你要分辨對方是授人以魚還是授人以漁.  純開心share既100-200蚊一個talk ok, 當比錢買一本書睇. 幾千蚊既要謹慎考慮一下對方的真意和教程內容, 比錢買networking強烈不推薦, 因為有用的人脈是建基在你對對方也有用處時, 只有你搵人著數的人脈不會長久.

沽貨

3.21沽清中國銀行, 連股息有10-12%盈利.  順便減持一半建行(蝕10%+), 因之前買入價太高, 減減磅先. 呢個故事教訓下次買股都係要有D紀律, 蝕10%一定要止蝕, 寧願之後再買返.

套出的資金未有野買住. 心水REIT同騰訊, 但兩者皆處在歷史高位, 等等先.

持股
3399
939

慢慢退出

沽清598, 蝕左20%, 4位數, 還好經上次減持後剩下數量不多.  現在的策略是慢慢退出股市.

持有:
3988
939
3399

英國脫歐

估都估唔到佢真係脫歐.

這段時間沒有買賣存了點錢, 睇下跌到幾多先. 我就不再買廢股溝淡買入價, 無意思, 內銀也收息了只要3蚊樓上隨時可放.  會睇下騰訊跌到幾多, 可能賣晒D蝕錢貨轉去買佢.

持股:
3988
939
3399
598

恭喜

味皇兄在自己網站宣布財務自由了, 真是可喜可賀!

人的生命裡計到有意識並有能力去實現夢想的時間其實很少, 大概也就30年左右. 還要減去蓄力的時光, 分分鐘得番10幾年.

然後就沒然後了.

所以要及早地開始計劃理財習慣, 叻人有叻人方法, 笨人也有笨人方法.  學唔到跨級登高, 咪一步步行上去囉, 沒有話遲既, 今日起步總比明天起步早, 加油.

增持 6-5-2016

我個網真係好悶架, 因為淨係記D出入記錄.

今天3.04增持10手中國中銀, 均價拉升到3蚊.  再增持一定等佢穿3蚊先再考慮啦.

之前減持589和清左3888, 打個和, 個市咁真係NO EYE SEE.  認清左我都唔係咁適合玩股既人, 都係怡下情算啦.


持股:
3988
939
3399
598

時代在變

價值投資在這個時代到底還合不合適? 在我自己的經驗而言, 已經不太適合了,

越來越多人, 甚至國家利用股票市場作廢品回收場, 有波幅冇升幅.  比起長揸, 短炒幾轉仲容易賺錢.

買入中國銀行

今天決定出手了, 個市都跌得幾殘, 會唔會再落無人知, 但價OK入少少又何嘗不可.

選中國銀行是因為個價真係好低, 而且銀碼細又是指數股, 個市升返佢一定會升返.

用來做新投資方式的試水最方便.

重新買入3988@2.96  10手, 比之前3.88沽出便宜了超過20%,

會唔會再增持睇市況, 大家共勉.


持股:
939
3399
598
3888
3988

現金 18%

繼續留意

不知不覺港股已跌穿19000, 我除左之前入了1手金山就沒有過其他行動.

因為個勢一直跌, 與其逆水行舟, 不如順勢而為.  所以一開始沒急於撈底等跌定D先.

現在很多心水股票已到吸引範圍, 手上現金仍有20%, 會分注吸納(因為我估不到底)

這次跌市做得比較好的是先行把比例過重持股減持, 例如3988和939, 蝕少少都無所謂, 因為我清楚當時沽出是為了將來更低價買回, 回看現價比當時便宜了20%以上, 也算沒做錯吧. 要改善的是不要一次買入太多, 例如598  4.35時一下子入滿了目標數, 令到再加注比重會過高而最終需放棄增持. 買金山時學乖了, 小注入, 仲有位加注而且平均價更靚.

富爸爸財富執行力中說過(1)投資要有退出方案 (2)投資者是盡快把資金收回並繼續擁有資產, 這給予我很大的啟發, 就算我再買入股票, 有一定升幅, 例如3988 3蚊買入一萬股, 有10%升幅升到3.3, 就會把9000股賣出收回本金3萬元, 剩下的1000股慢慢收息.

今次會嘗試以上的方法.  因為物業投資是主力, 股票只作略為增多現金流之用, 所以並沒有像時下很多財經BLOG主那樣進取, 希望繼續學習, 找到適合自己的, 自己睡得安心的財自之路.

目前持股:
939
3399
598
3888

現金 20%

增持金山

最近個市大跌, 7/1買入1手3888@16.5. 成本降為18.6.

以為自己好醒, 點知今日低見15.14. 豬左.


現時持股:
939
3399
598
3888

現金20%